حرنكش يا مرسي

حرنكش يا مرسي  .. ودومك كتير 

فخفخ يا ريس .. واشرب عصير 

حرنكش بذمة   .. تحلي بفطير 

حرنكش يا مرسي .. وأخطب كتير 

حرنكش يا مرسي .. أمرك مطاع 

مسبسب ف دقنك .. وناسي الرعاع 

حلاوتك يا نهضة .. وأنتي بضمير 

حرنكش بدقة .. سمعت الشخير 

مزمزت غزة .. ركبت الأوباما 

ليلة الخميس .. عملت القيامة 

والصحة نعمة  .. تهز السرير 

حرنكش يا مرسي .. وهزك خطير 

بتلعب قانون .. هالعب جيتار 

تهز الميزان .. هاكون لك جدار 

تدلدل دقون .. "جيكا" المصير 

بتقتل يا مرمر.. وتكدب كتير 

حرنكش يا مصر  .. لبانك سمارة 

لقمة بدقة ..  ونفسين سيجارة

واحلي بحرنكش .. وأنام أمير 

من غيرك  يا مرسي ..

ومن غير مشير ....