حمد لله ع الكتابة / طقس جديد للتعذيب

بأمسح تراب ناعم

مخلوط بالندى

بقايا ليلة مترددة ..

متأكدة ..إن الشجرة إياها

أم خد ناشف وعينين مقرمشين

نامت في إيدي

ولا دابت لما فركت لحظاتنا اللي كانت جميلة

ده طقس جديد للتعذيب

ولا احتفال بعودة الدهشة

((حمد لله ع الكتابة))

بأرسم كل خطوط الحياة بالتوازي

اللقا لحظة ..

أوعاك تنتظرها ..

مين ده اللي يقدر !!

البلياتشو اللي عتق في السندرة

ولا عسكري الدورية ..

اللي خطفه الموت في عز اندماجه

كل البلاد اللي شبهك اتجوزت ..

ومافضلش غيرك مدينة حنينة ..

مخلوطة بالندى وترابها ناعم

لما باعمل مش فاهم .. بأبقى وطن

ولما بافهم .. بتبقي وردة بيضا

دبلانة.. في إنتظار الربيع