أضحك
دي قصيدة متهتهة
وعلي صوت القهقهة
أضحك أكتر
لما تعرف أنها
مش قصيدة
دي قصيدة متهتهة
وعلي صوت القهقهة
أضحك أكتر
لما تعرف أنها
مش قصيدة
يا ابني الشعر مات
والعزا فى ديوان أبو شامة الجديد
من أول سطر هاتلقاه بينعى
هاتشم ريحة البن ف كل قصايده
وفى أخر صفحة هاتلقى قرافة
أقرا الفاتحة يا صاحبى
أقرا النعى ف الجورنال
وأقرا ديوان الشعر لأخره
أقرا وشحتف قلبك حزن
أقرا ده أنت أخر حد بيقرا
ته ته وأنت بتقرا
متخافش
لما تقابلك سجدة
أسجدها
وأدعى لكل صحابنا الشعرا
أقرا ده أنت أخر حد بيقرا
ماتوقفش كتير
ف سورة البقرة
خطى عليها بقلمك الأخضر
وأتمخطر
زى فؤاد حداد داخل الحضرة
ولما تلاقى قصيدة لعمك بيرم
أحلم .. تبقى جاهين .. وأقرا
ولما تخلص
أقوم أتوضى وطهر نفسك
من رجس الشعر ودنس الكلمة
أه م الكلمة وأه م الظلمة
أقرا
والله أنت يا صاحبى .. شكلك أعمى !!
ولما تخلص
أقوم أتوضى وطهر نفسك
من رجس الشعر ودنس الكلمة
أه م الكلمة وأه م الظلمة
أقرا
والله أنت يا صاحبى .. شكلك أعمى !!
من ديوان ((فذلكة في المملكة))
تحت الطبع
الف مبروك ـ بالتوفيق إن شاء الله ـ بس ليه الحزن ده كله؟؟ من الاسم أخمن أنه الديون تسيطر عليه نبرة التهكم والسخرية من الواقع ـ أعتقد القصيدة دي تثبت كده ـ الملاحظ تكرار ذكر البن والقهوة في شعر حضرتك ـ برضه في الديوان السابق ذكرت "القهوة المزبوطة" ـ للدرجة دي تعشق القهوة؟؟
ردحذف